27-30 yanvar 2025-ci il tarixlərində Respublika Uşaq Kitabxanasına Abşeron rayonu Masazır kənd 6 nömrəli tam orta məktəbin və Ağabəy Novruzbəyli adına 46 nömrəli tam orta məktəbin şagirdlərinin eksursiyası təşkil olunub. Ekskursiya zamanı məktəblilər kitabxanada yeni uşaq ədəbiyyatı nümunələri ilə tanış olublar. Kitabxana əməkdaşları tərəfindən şagirdlərə pedaqoq, uşaq folklor antologiyasının banisi Firidun bəy Köçərlinin həyat və yaradıcılığı, həmçinin "Balalara hədiyyə” kitabı haqqında geniş məlumat verilib. Ekskursiyaya gələn məktəblilərə ucadan oxumaq üçün maraqlı nağıl kitabları təqdim edilib.
Sonda kitabxananın təsis etdiyi “Göy Qurşağı” uşaq jurnalı ekskursiya iştirakçılarına hədiyyə edilib.
Ekskursiyaların təşkil olunmasında əsas məqsəd uşaqları Respublika Uşaq Kitabxanasının zəngin kitab fondu ilə yaxından tanış etmək, onlarda mütaliə mədəniyyətini və kitaba olan marağı artırmaqdır.
