Seksiq, Loran. Albert Eynşteyn / L. Seksiq ; tərc.ed. S. Budaqlı ; red. A. Haqverdiyeva ; rəs. E. Cabarov ; dizayn. S. Vəzirova. - Bakı : Altun kitab, 2021. - 160 s.

Müasir nəzəri fizikanın yaradıcılarından biri, fizika üzrə Nobel mükafatı laureatı (1921) Albert Eynşteyni bir çoxları dünya elminin sonuncu nəhəngi hesab edirlər. Hətta onun adını "dahi" sözünün sinonimi kimi işlədənlər də az deyil. II Dünya müharibəsindən sonra şöhrəti və nüfuzu daha da yüksələn Eynşteynin fizika sahəsindəki töhfələri bəşəriyyətin taleyində mühüm rol oynayıb. Sizə təqdim olunan kitabda həmin töhfələrlə yanaşı, böyük alimin uşaqlıq illərindən ömrünün sonunadək təbəddüllatlarla, bir-birindən maraqlı hadisələrlə, qeyri-adiliklərlə dolu həyatı müfəssəl şəkildə təsvir edilir. Əsər Eynşteynin elmi və ictimai xadim kimi fəaliyyəti, eləcə də şəxsi həyatı, daxili aləmi ilə bağlı bir çox hallarda oxucuda heyrət və təəccüb doğuran faktlarla zəngindir.