F.Köçərli adına Respublika Uşaq Kitabxanasının məlumat-biblioqrafiya şöbəsi tərəfindən Azərbaycanın görkəmli ictimai-siyasi və dövlət xadimi Məhəmməd Ə.Rəsulzadənin anadan olmasının 140 illik yubileyi münasibətilə hazırlanmış daycest oxuculara virtual şəkildə təqdim edilib. M.Ə.Rəsulzadə haqqında kitabxana fondunda ötən əsrin əvvəllərindən günümüzədək mövcud olan çap əsərlərinin tam mətnli biblioqrafik göstəricisi daycest (xülasə) hazırlanaraq oxuculara təqdim olunub.

Daycestdə Məhəmməd Ə. Rəsulzadənin 17 adda kitabı, 57  adda məqaləsi və onun haqıında dövrü mətbuatda çıxan 88 adda məqalələr təqdim edilib. Həmçinin, oxuculara təqdim olunan daycestdə Məhəmməd Əmin Rəsulzadənin Azadlıq, Azərbaycan, Təhsil, Bayraq, Dil, Gənclik, Qadın, Mədəniyyət və Millət haqqında söylədiyi dəyərli fikirləri yer alıb.

Aşağıda qeyd olunan linkə keçid edib daycest ilə tanış ola bilərsiniz:

https://www.clb.az/storage/full-bibliographic-data/April2024/9MdSFGR5c1NdIB9H8WR9.pdf