18 yanvar 2024-ci il tarixində F.Köçərli adına Respublika Uşaq Kitabxanasının 2 saylı filialı Y.Yusifov adına 265 saylı məktəbin VIII sinif şagirdləri ilə birgə 265 saylı məktəbdə 20 Yanvar hadisələrinin 34- cü ildönümü ilə əlaqədar “20 Yanvar-Qəhrəmanlıq səlnaməsidir”-adlı tədbir keçirilib. 

    20 Yanvar faciəsində canlarından keçmiş şəhidlərin ruhu bir dəqiqəlik sükütla yad edilib. Bundan sonra məktəbin kitabxanaçısı N.Əhmədova  20 Yanvar gününün Azərbaycanın müasir tarixinə tək dəhşətli faciə deyil eyni zamanda, xalqımızın qəhrəmanlıq salnaməsi kimi daxil olduğunu qeyd edib.  Yalnız ulu öndər Heydər Əliyevin Azərbaycan hakimiyyətinə qayıdışından sonra 20 Yanvar hadisələrinə dövlət səviyyəsində tam siyasi hüquqi qiymət verildi. Bu gün ulu öndər Heydər Əliyevin siyasi kursunu layiqincə davam etdirən cənab İlham Əliyevin hər zaman 20 Yanvar şəhidlərinin xatirəsinin uca tutulmasına və şəhid ailələrinin sosial məsələlərinin yoluna qoyulmasına xüsusi diqqət göstərdiyini qeyd edib. Daha sonra F.Köçərli adına Respublika Uşaq Kitabxanasının 2 saylı filialının əməkdaşı G.Seyidova çıxış edərək bildiribki, 20 yanvar o məşəqqətli günlər hər birimizin yaddaşına əbədi həkk olunub. Həmin gün Azərbaycan tarixində qanla yazılmış bir səhifədir, ancaq təkcə faciə deyil. Bu tarix Azərbaycanın istiqlal yolunun ilk zirvəsi, milli məfkurəmizin azadlıq istəyinin oyanış günü idi. 20 yanvar günü uzun illər Sovet imperiyasının əsarətində yaşayan xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli bir tarixdir. Tədbirdə ənənəvi kitab sərgisi nümayiş olunub.