16 noyabr  tarixdə Respublika Uşaq Kitabxanasının 2 saylı filialında Suraxanı rayonu  Mehdi Mehdiyev adına 280 saylı tam orta məktəbin 6-cı sinif şagirdləri ilə birgə “Milli Dirçəliş Günü”münasibətilə “Azərbaycanın igid oğulları” adlı sual-cavab  saatı keçirilib. Tədbir Azərbaycan şerinin səslənməsi və qəhrəman el oğullarımızın,  şəhidlərimizin xatirəsinin 1 dəqiqəlik sükutla yad edilməsi ilə başladı. 280 saylı  məktəbin müəlliməsi Cəfərova Könül tədbir iştirakçılarına “Milli Dirçəliş Günü” haqqında ətraflı  məlumat verib.

Rəsmi hissədən sonra əməkdaşlarımız tərəfindən tərtib olunmuş “Milli Dirçəliş Günü”,“Vətən“müharibəsinin başlama səbəbləri, rayonların işğaldan azad olunması, milli qəhrəmanlar haqqında suallar şagirdlərə ünvanlandı . N.Sevər, S.Dilşad, H.Hüseyn, S.Ayxan  verilən suallara tez və düzgün cavab verdilər. Tədbirdə fəal iştirakına görə şagirdlərə təşəkkür elan olundu. Şagirdlərdən F.Selcan, A.Arzu, H.Tunar Azərbaycana, Vətənə dair  şeir parçaları səsləndirdilər.

Tədbirin sonunda  tədbir iştirakçıları “Yaşasın qüdrətli Azərbaycan ordusu “adlı  kitab sərgisi ilə də  tanış oldular, müəllim və şagirdlərlə  xatirə şəkilləri çəkilib.