2022-ci ilin may ayında Azərbaycan ədəbiyyatının görkəmli nümayəndəsi, böyük şair, tanınmış maarifçi və ictimai xadim Əhməd Cavadın (Cavad Məhəmmədəli oğlu Axundzadənin) anadan olmasının 130 illiyi tamam olur. Azərbaycanın dövlət rəmzlərini yüksək şeiriyyətlə alovlu tərənnüm edən şairin müstəqil dövlətçiliyə sevgi aşılayan əsərləri dərin vətənpərvərlik duyğularının heyrətamiz poetik ifadəsidir. 

F.Köçərli adına Respublika Uşaq Kitabxanası 19.08.2022- ci il tarixində  Azərbaycan Ədəbiyyatının görkəmli nümayəndəsi, böyük şair, tanınmış maarifçi və ictimai xadim Əhməd Cavadın anadan olmasının 130 illiyinə həsr olunan “İstiqlal carçısı – Əhməd Cavad” adlı onlayn viktorina elan etdi.  Kitabxananın www.clb.az internet ünvanında, “Facebook” və “İnstagram” sosial şəbəkələri vasitəsilə yayımlanan viktorinaya çoxsaylı iştirakçı qatılıb.

Müəyyən olunmuş zaman çərçivəsində daha çox suala düzgün cavab verən Bakı şəhəri, Nəsimi rayonu 14 saylı orta məktəbin IX sinif  şagirdi Məmmədov Ayaz oldu. O, 35 sualın hər birini düzgün cavablandırmaqla qalib adını qazandı.  Qalibi kitabxananın kollektivi və çoxsaylı oxucularımız adından təbrik edirik!