10-14 oktyabr 2022-ci il tarixində Britaniya kollecinin məktəbəqədər sinifləri Respublika Uşaq kitabxanasına ekskursiya etdilər. Balacalar kitabxana qaydaları ilə tanış oldu, onlara kitabın insan həyatında böyük əhəmiyyət kəsb etdiyi məqamlar haqqında geniş məlumat verildi. Nağıl otağında “Padşah və xoruz”, “Şəngülüm, Şüngülüm” nağılı oxundu, “Balaca ev” cizgi filmi göstərildi. Oxunan nağıllar üzərində maraqlı müzakirələr aparıldı. Uşaqlar Azərbaycan nağılları əsasında özlərinin bildikləri nağıllardan danışdılar. Tədbir iştirakçılarının hər birinə kitabxananın təsis etdiyi “Göy Qurşağı” uşaq jurnalı hədiyyə edildi. Balacalar kitabxanadan şən əhval- ruhiyyə ilə ayrıldılar.