1 iyun 2022-ci il tarixində F. Köçərli adına Respublika Uşaq Kitabxanası “Uşaqların Beynəlxalq Müdafiəsi Günü” ilə əlaqədar Nəsimi rayonu 164 nömrəli məktəbin 3-cü sinif şagirdləri ilə birgə “Uşaqlar bizim gələcəyimizdir” adlı tədbir keçirdi. Azərbaycan Respublikasının Dövlət himni ilə başlayan tədbirdə vətənə, anaya, uşaqlara aid şeirlər səsləndi,  nəğmələr ifa olundu. Uşaq yazarı Solmaz Amanovanın “Bülbül” nağılı əsasında səhnəcik göstərildi. Tədbirdə kitabxananın əməkdaşı uşaqları bayram münasibətilə ürəkdən təbrik edib, onlara xoş arzularını bildirdi. Tədbirin sonunda uşaqların hər birinə kitab hədiyyə edildi.