Mayın 9-da, 1 nömrəli Uşaq-Gənclər İnkişaf Mərkəzi və 95 nömrəli tam orta məktəbin birgə təşkilatçılığı ilə Ulu öndər Heydər Əliyevin anadan olmasının 97-ci il dönümünə həsr olunmuş “Sən elə bir zirvəsən” adlı distant görüşdə Firudin bəy Köçərli adına Kitabxananın direktoru, Əməkdar mədəniyyət işçisi Şəhla Qəmbərova iştirak etdi.
Görüş çərçivəsində, Ümummilli lider Heydər Əliyevin həyat yolunu özündə əks etdirən videoçarx nümayiş olundu. 1 nömrəli Uşaq-Gənclər İnkişaf Mərkəzinin “Nitq mədəniyyəti” dərnəyinin üzvləri, 95 nömrəli tam orta məktəbin şagirdləri Ulu öndər Heydər Əliyevə həsr olunmuş şeir kompozisiyası və musiqi nömrəsi ilə çıxış etdilər.
Onlayn görüşdə, əməkdar jurnalist, şairə Telli Pənah qizi, Xətai rayon icra hakimiyyətinin ictimai-siyasi və humanitar məsələlər şöbəsinin müdiri Pənah İmanov, Baki şəhər baş təhsil idarəsinin ümumtəhsil sektorunun müdiri Fuad Babayev, informasiya təminatı sektorunun müdiri Namiq Ağayev, Təhsil Nazirliyi 1 nömrəli Uşaq-Gənclər İnkişaf Mərkəzinin direktoru Kəmalə Abdullayeva, 95 nömrəli tam orta məktəbin direktoru Elçin Abdullayev, 95 nömrəli tam orta məktəbin, 1 nömrəli Uşaq-Gənclər İnkişaf Mərkəzinin müəllim və şagird kollektivi iştirak etdilər.
Görüş zamanı çıxış edən qonaqlar, ümummilli lider Heydər Əliyevin irsi haqqında ətraflı danışıb, dahi şəxsiyyətin xatirəsini böyük ehtiramla yad etdilər.
Görüşdə çıxış edən Ş.Qəmbərova ümummilli liderin həyatı, fəaliyyəti haqqında söhbət açdı. O bildirdi ki, Azərbaycan xalqı xoşbəxtdir ki, onun Heydər Əliyev kimi Ulu Öndəri, dünyanın hörmətlə yanaşdığı və qəbul etdiyi ümummilli lideri var. Və bu gün hər birimiz dərk edirik ki, müstəqil Azərbaycan dövləti bütün həyatı və fəaliyyəti tariximizə qızıl hərflərlə həkk olunmuş Heydər Əliyevin şah əsəridir. Şübhə yoxdur ki, Azərbaycan və Heydər Əliyevin adı əsrlər boyu bütün dünyada qoşa səslənəcəkdir.Azərbaycan xalqı Ulu Öndərin siyasi kursunu davam etdirməklə möhtərəm Prezidentimiz cənab İlham Əliyevin rəhbərliyi ilə bundan sonra da öz tarixinin yeni, şanlı səhifələrini yazacaq, daha yüksək zirvələr fəth edəcəkdir.
Onlayn görüşün əsas məqsədi – Müasir Azərbaycan dövlətinin qurucusu, memarı olan Ulu öndərin şərəfli həyat yoluna nəzər salmaq və gələcək nəsillərə təbliğ etməkdir.
