18 oktyabr 2016-cı ildə F.Köçərli adına Respublika Uşaq Kitabxanasının kütləvi işlər və incəsənət şöbəsinin əməkdaşları Azərbaycan Respublikasının dövlət müstəqilliyinin bərpasının 25-ci ildönümünə həsr olunmuş “Azərbaycanın dövlət müstəqilliyi əbədidir, sarsılmazdır, dönməzdir” adlı tədbir keçirdi. Tədbirdə Zəngi liseyinin və Bakı Modern məktəbinin şagirdləri, Azərbaycan İstiqlal Muzeyinin əməkdaşı Arzu Quliyeva, kitabxana əməkdaşları iştirak edirdi. Tədbir Azərbaycanın Dövlət Himni ilə başladı. Tədbiri giriş sözü ilə kitabxananın elmi işlər üzrə direktor müavini Zahirə Dadaşova açaraq,  müstəqil Azərbaycanın əldə etdiyi nailiyyətlərdən söhbət açdı və bildirdi ki, ulu öndərimiz Heydər Əliyev Azərbaycan xalqının xilaskarı, müasir Azərbaycan dövlətinin qurucusudur. Ulu öndərin zəngin irsi, ideyaları və tövsiyələri müasir cəmiyyətimizin inkişafının nəinki ideya mənbəyidir, həmçinin möhtəşəm səfərbəredici amildir. Ümummilli liderin təlatümlərdən, təhlükələrdən çıxararaq qurub-yaratdığı Azərbaycan indi Prezident İlham Əliyevin rəhbərliyi altında bütün dünyaya möhtəşəm yüksəliş dinamikası nümayiş etdirir. Tədbirdə Bakı Modern Məktəbinin şagirdləri Azərbaycana həsr olunmuş şeirlər söylədilər, Zəngi liseyinin şagirdləri isə gözəl nəğmələri ilə tədbirə xoş ovqat bəxş etdilər. İstiqlal muzeyinin əməkdaşı Müstəqillik Günü ilə əlaqədar maraqlı, ətraflı çıxış etdi. Tədbirin sonunda bütün tədbir iştirakçılarına kitabxananın təsis etdiyi “Göy Qurşağı” uşaq jurnalı hədiyyə edildi.