F.Köçərli adına Respublika Uşaq Kitabxanasının Ölkəşünaslıq və milli ədəbiyyatın təbliği şöbəsi kütləvi oxucular üçün “Yaşıl dünya naminə həmrəylik ili” adlı tövsiyə biblioqrafiyası hazırlayaraq virtual oxucuların istifadəsinə təqdim edib.
Hazırda planetdə müşahidə olunan iqlim dəyişmələri ekoloji problemlərlə sıx bağlıdır. İqlim temperaturunun və rütubətin artması bitki örtüyü və faunada, ekosistemlərdə dəyişikliklərə və insan sağlamlığı üçün risklərin artmasına səbəb olur. Ekoloji problemlərin həlli cəmiyyətdən kompleks yanaşma tələb edir. Ətraf mühitin qorunması, ekosistemlərin bərpası, dayanıqlı və ekoloji cəhətdən təmiz texnologiyalara keçid üçün mühüm addımlar atmaq lazımdır.
Ətraf mühitin saflaşdırılmasında, mühafizəsində meşələrin, yaşıllıqların rolu çox böyükdür. Ona görə də daim təbiəti və ətraf mühiti qorumalı, təbiətin bizə bəxş etdiyi resurslardan məsuliyyətli və şüurlu istifadə etməliyik.
Tövsiyə biblioqrafiysında 3 başlıq altında təbiət haqqında məlumatlara yer verilib.
“Yaşıl dünya naminə həmrəylik ili” adlı tövsiyə biblioqrafiyasının tərkibinə daxil olan mövzu başlıqları:
1. Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi haqqında Azərbaycan Respublikası Prezidentinin Sərəncamı
2. Giriş
3. Ümumilli Lider Heydər Əliyevin, Azərbaycan Respublikasının Prezidenti İlham Əliyevin, akademik Həsən Əliyevin, ingilis şair Vilyam Şekspir və digər görkəmli şəxsiyyətlərin təbiət ilə bağlı dəyərli fikirləri;
Tövsiyə biblioqrafiya ilə aşağıdakı link vasitəsilə tanış ola bilərəsiniz.
