Tofiq Bakıxanov. Kataloq : (Milli Azərbaycan Tarixi Muzeyinin kolleksiyası əsasında) / Azərbaycan Resppublikası Mədəniyyət Nazirliyi Milli Azərbaycan Tarixi Muzeyi ; tərt.ed., ön söz: E. Rəhimova, N. Bağırova ; red. F. Cabbarov ; dizayn. A. İsmayılova. - Bakı : Aspoliqraf, 2023. - 107 s.

Oxuculara təqdim olunmuş kataloqda Tofiq Bakıxanovun öz təşəbbüsü ilə Milli Azərbaycan Tarixi Muzeyinə yaradıcılıq fəaliyyəti ilə bağlı hədiyyə etdiyi materiallar öz əksini tapmışdır. Bəstəkarın muzeydə qorunan bu zəngin kolleksiyası onun həm çoxşaxəli yaradıcılığı, həm də geniş ictimai fəaliyyəti barədə dolğun təsəvvür yaratmağa imkan verir. T.Bakıxanovun peşəkar və ictimai fəaliyyəti ilə bağlı mükafat və təltifləri, ünvanına gələn təbriknamələr, fotoalbom və fotoşəkilləri, əsərlərinin ifa edildiyi tədbirlərin afişa və proqramları, vəsiqə və diplomları, müxtəlif ölkələrdən ona təqdim olunmuş hədiyyələr, nişan və medalları muzeyin sənədli mənbələr, hədiyyələr və xatirə əşyaları, həmçinin köməkçi tarixi fənn materialları fondlarında mühafizə edilir, bir qismi isə 2023-cü ildə qurulan yeni ekspozisiyada ilk dəfə nümayiş olunur. Ümidvarıq ki, Azərbaycan musiqi tarixində özünəməxsus yer tutan tanınmış bəstəkar Tofiq Bakıxanovun materiallarından ibarət olan bu kataloq musiqişünasların, bəstəkarın sənət yolunu araşdıran tədqiqatçıların, musiqisevərlərin marağına səbəb olacaq.