XIX əsr Azərbaycan ədəbiyyatında maraqlı, məzmunlu əsərləri ilə tanınan, ancaq az təbliğ olunan qələm sahibləri olub. Lirik, satirik şeirləri, vətənpərvərlik ruhunda qəzəlləri, mənzumə və rübailəri ilə şeir-sənət xəzinəmizə töhfə verən şairlərdən biri də Abbas ağa Nazirdir. O, məşhur Azərbaycan şairi Molla Vəli Vidadinin nəvəsi, XIX əsrin əvvəllərində yaşayıb-yaratmış, dövrünün məşhur şairi Mirzə Nəbi Qayıbzadənin oğludur.

Respublika Uşaq Kitabxanasına hədiyyə edilən “İki qardaş” uşaq poeması 1912-ci ildə şair Abbas Ağa ( Nazir) Qayıbzadə tərəfindən yazılmışdır.

Poema iki qardaşdan (ağıllı/ zəhmətkeş və tənbəl/ avara) bəhs edir. Kitabın orijinalı 108 il sonra (2020-ci ildə) şairin nəslindən olan Rüstəm Nazir Qayıbov tərəfindən tapılmışdır.

Abbas ağa Nazir nəslinin davamçısı Rüstəm Nazir Qayıbov tərəfindən kitabxanaya hədiyyə olunan “İki qardaş” uşaq poeması kitabxananın daimi oxucularına  çox dəyərli töhfə olmaqla yanaşı həm də kitabxana fondunu zənginləşdirmək baxımından xüsusi önəm daşıyacaq.

Kitabla BURADAN tanış ola bilərsiniz.