Dac, Meri Meyps. Hans Brinker və ya Gümüş konkilər / M. M. Dac ; red. B. Əliyev ; tərc.ed. E. Bağırova ; il. A. Quliyev. - Bakı : TEAS PRESS Nəşriyyat evi, 2022. - 359 s.

Gümüş konki uğrunda yarışda taxta konkilərlə qalib gəlmək olar? Heç inandırıcı deyil. Görəsən, bunun sirri nədədir? "Hans Brinker və ya Gümüş konkilər" romanını oxuyanda həmin sirrdən agah olacaqsınız. Hələ bu harasıdır?! Sirr var, sirrin içində! Don bağlamış çayda adamayovuşmaz Bukmanı görən Hans cəsarətlə onun qarşısını kəsir... Bax beləcə, macəralar və sirlər bir-birini qovmağa başlayır... Beyin-kəllə travması alan Raff Brinker sağalıb "Tomas Hiqs" adını xatırlayır. Birdən məlum olur ki, gümüş konkinin futlyarına "T" və "H" hərfləri yazılıb. Növbəti həyəcan başlayır... Sirlərin kələfi Niderlanddan İngiltərəyə gedib çıxır. Romanda hadisələr o qədər sürətlə və gərgin şəkildə cərəyan edir ki, ürəyiyumşaq oxucu macəraların içinə qapılır, dolaşıqlardan çıxış yolu axtarır, və nəhayət, sirlərin üstünün açılmasına şahid olur...