Əliyev, Ziyadxan. Üzeyir Hacıbəyli təsviri sənətdə / Z. Əliyev ; layh.rəh. T. Axundov ; burax.məsul R. Ələkbərov ; məsl. S. Fərəcov ; red. A. Xəlilov ; dizayn. T. Mehdiyev. - Bakı : Təhsil, 2023. - 192 s.

Oxuculara təqdim olunan bu kitabda Azərbaycan xalqının dahi bəstəkarı Üzeyir Əbdülhüseyn oğlu Hacıbəyli şəxsiyyətinə, onun bənzərsiz sənətinə heyran kəsilən təsviri və dekorativ-tətbiqi sənət ustalarının bədii münasibəti toplanmışdır. Daha dəqiq desək, bu kitabın məna-məzmun yükünü zamanında çoxşaxəli yaradıcılığı ilə xalqının əzizinə çevrilən Üzeyir bəyin ölməzlik qazanmış bədii irsinə rəssam və heykəltəraşlıqla yanaşı, həm də el sənətini yaşadan sənətkarların böyük sevgi və ehtiramla ərsəyə gətirdikləri əsərlər təşkil edir.