28 aprel 2025-ci il tarixində Respublika Uşaq Kitabxanasında kiçik yaşlı oxucular üçün hekayə və nağıllar müəllifi Xanım Mehdixanlı ilə Cəbrayıl rayonu Əsgər Veysəlov adına Sirik kənd tam orta məktəbin şagirdlərinin görüşü keçirilib. 

Tədbirdə yazıçı Xanım Mehdixanlı uşaqlara öz hekayələrini səsləndirib. Məktəblilərin fəal iştirakı ilə maraqlı, interaktiv sual-cavab sessiyası keçirilib və onları maraqlandıran bütün suallar cavablandırılıb. Görüşdə, həmçinin müəllifin “Qoca palıd” kitabının təqdimatı baş tutub. Məktəbəqədər uşaqlar üçün nəzərdə tutulmuş kitabda müxtəlif məzmunlu maraqlı hekayələr yer alınmışdır. Sözügedən hekayələr uşaqlarda əxlaqi, mənəvi dəyərləri aşılamaq, tərbiyəvi keyfiyyətləri üzə çıxarmaq məqsədi daşıyır.

Uşaqların mütaliə vərdişlərinin təkmilləşdirilməsində ədiblərlə görüşlərin keçirilməsi çox önəmlidir. Sonda yazıçı məktəbin kitabxanasına müəllifi olduğu kitablarından hədiyyə edib.

Tədbirin keçirilməsində məqsəd uşaqların kitaba və mütaliəyə olan maraqlarını artırmaqdır.