14 dekabr tarixində  Respublika Uşaq Kitabxanasına Xəzər rayonu E.Əliyev adına 234 nömrəli tam orta  məktəbin 3-cü sinif şagirdlərinin ekskursiyasi təşkil olunub. Öncə  məktəblilər  kitabxana ilə tanış olduqdan sonra  kitabxananın böyük  oxu zalında  Azərbaycanın və dünya ədəbiyyatının görkəmli yazarları haqqında məlumat əldə ediblər. Həmçinin məktəbilərə Firidun bəy Köçərlinin Azərbaycanda uşaq folklorunun ilk antologiyası olan "Balalara hədiyyə” adlı kitabdan bəhs edilib.  Ekskursiyaların təşkil olunmasında əsas məqsəd uşaqları  Respublika Uşaq Kitabxanasının zəngin fondu ilə yaxından tanış etmək, onlarda  mütaliə mədəniyyətini və kitaba  olan marağı artırmaqdır. Tədbirin sonunda Firidun bəy Köçərlinin həyat və fəaliyyətinə həsr olunmuş sənədli filmi təqdim edilib.