F.Köçərli adına Respublika Uşaq Kitabxanasının məlumat-biblioqrafiya şöbəsi tərəfindən Azərbaycanın tanınmış şairi Mikayıl Müşfiqin 115 illik yubileyi münasibətilə “Məhəbbət şairi Mikayıl Müşfiq – 115” adlı daycest və “2 Avqust – Azərbaycan Kinosu Günü” münasibətilə yaddaş kitabçası (Biblioqrafik siyahı) virtual oxuculara təqdim edilib.
Mikayıl Müşfiqin həyat və yaradıcılığı haqqında hazırlanan Daycestdə qısa məlumat, görkəmli şəxslərin şair haqqında söylədikləri dəyərli fikirlər, fotoşəkillər, 25 adda kitab və 128 adda dövrü mətbuat məqaləsinin tammətnli siyahısı yer almışdır. Tammətnli biblioqrafik siyahıya şairin öz kitabları, şair haqqında yazılan kitablar, eləcə də şair haqqında həm dövrü mətbuatda, həm də kitablarda yazılan bədii əsərlər, qələmə aldığı şeirlər daxil edilib.
“2 Avqust – Azərbaycan kinosu günü” adlı yaddaş kitabçasında milli kino günümüz haqqında qısa məlumat və kitabxana fondunda Azərbaycan kinosu ilə bağlı mövcud olan kitablar və dövrü mətbuat materiallarının biblioqrafik siyahısı yer almışdır.
Aşağıda qeyd olunan linklər vasitəsi ilə daycest və yaddaş kitabşası ilə tanış ola bilərsiniz.
