4 mart tarixində Respublika Uşaq kitabxanasında uşaq yazarı, publisist Gülzar İbrahimova ilə Nizami r-nu Yuri Kovalyov adına 229 saylı və Nərimanov r-nu Novruzov qardaşları adına 36 №-li məktəblərin şagirdləri ilə görüş keçirilib. Tədbirin keçirilməsində məqsəd uşaqların kitaba və mütaliəyə olan maraqlarının artmasıdır.

Tədbiri giriş sözü kitabxananın əməkdaşı açaraq G.İbrahimovanın həyat və yaradıcılığı haqqında məlumat verib. O çıxışında uşaqların inkişafında, təhsilində belə tədbirlərin əhəmiyyətini qeyd edib, bu sahədə uşaq ədəbiyyatının xüsusi rolunu vurğulayıb.

Tədbirdə Gülzar nənə uşaqlara öz şeirlərini səsləndirib, məktəbli uşaqların fəal iştirakı ilə maraqlı interaktiv, əyləncəli oyunlar keçirib. Uşaqları maraqlandıran bütün suallar cavablandırıb. Sonda uşaqlara öz şeirlərindən hədiyyə edib.