24-29 aprel tarixlərində Bakı şəhər tam orta məktəbləri – 73, 81, 45, 151, 30, 172, 54,  160 №-li klassik gimnaziyanın şagirdləri və Joyful adına uşaq bağçasının balaca fidanları Respublika Uşaq Kitabxanasında oldular. Məktəblilərə Azərbaycan Respublikası Prezidentinin 29 dekabr 2021-ci il tarixli sərəncamına  əsasən  İrəvan Müəllimlər Seminariyasının yaranmasının 140 illiyi ilə əlaqədar olaraq 1885-1895-ci illərdə seminariyada müəllimlik etmiş maarifçi, pedaqoq, uşaq folklor antalogiyasının banisi Firidun bəy Köçərlinin həyat və yaradıcılığı haqqında ətraflı məlumat verildi. Məktəbəqədər uşaqlara və kiçik yaşlı məktəblilərə F.Köçərlinin “Balalara hədiyyə” kitabında toplanmış nağıllardan, məsəllərdən, yanıltmaclardan və digər folklor nümunələrindən söhbət açıldı. 

Tədbirin davamında uşaqlar kitabxananın saytı ilə yaxından tanış oldular, elektron kitablar və səsli dərslikləri maraqla izlədilər.

Sonda isə əməkdaşlar, kitabxana ilə bağlı uşaqların marağına səbəb olan bütün sualları cavablandırdı. Uşaqlar  kitabxanadan  xoş əhval-ruhiyyə  ilə  ayrıldılar.