19 yanvar tarixində Respublika Uşaq Kitabxanasının Məlumat-Biblioqrafiya şöbəsi  2021-ci il üzrə fəaliyyətini slayd formatında təqdim edib. Təqdimatda şöbənin fəaliyyəti geniş şəkildə işıqlandırılaraq, il ərzində görülən işlərin statistik məlumatları qeyd olunub. Şöbə kitabxanaya cari ildə daxil olan dövrü mətbuat materiallarının təsnifatını, onların işlənməsini, götürülən analitik təsvirlərin sayını, onların mövzular üzrə yaradılmış müxtəlif bazalara yerləşdirilməsini, ənənəvi materialların elektronlaşdırılması prosesini və istifadə qaydalarını slaydda ətraflı şəkildə göstərmişdir. 2021-ci ildə “İRBİS - 64” programına daxil edilən ümumi təsvir sayı 4915, qəzetlərdən götürülən təsvir sayı 3921, jurnallardan götürülən təsvir sayı 992-dir. Məlumat-Biblioqrafiya  fonduna 2954 məqalə daxil edilib. Bundan başqa il ərzində şöbənin hazırladığı tam mətnli biblioqrafik siyahılar (daycestlər), yubilyarlar, bülletenlərin siyahısı slaydda yerləşdirilmişdir. Həmçinin, təqdimat zamanı şöbənin müdiri Əhmədova Sevil  və kitabxananın  direktoru Şəhla Qəmbərova tərəfindən tərtib olunmuş “Azərbaycan Uşaq ədəbiyyatı (“XIX əsrin ikinci yarısı XX əsrin əvvəlləri)” adlı biblioqrafik göstəricinin I cildi haqqında məlumat da öz əksini tapmışdır. 

Tədbirin yekununda kitabxananın direktoru Şəhla Qəmbərova və direktor müavini Zahirə Dadaşova təşəkkür edərək  şöbənin gələcək fəaliyyəti ilə bağlı tövsiyyə və təkliflərini irəli sürdülər.