Beynalxalq Türk Mədəniyyəti və İrsi Fondunun layihəsi əsasında işıq üzü görən türkdilli xalqların nağıllarından ibarət “ Türk Dünyasının Göy Qurşağı “  adlı kitabın təqdimat mərasimi keçirildi.

Kitabda Azərbaycan, Türkiyə, Qazaxıstan, Qırğızıstan, Macarıstanın, eləcə də Özbəkistan və Türkmənistanın bir-birindən maraqlı və rəngarəng nağılları öz əksini tapmışdır.Kitabın nəşr olunmasının əsas məqsədi gənc nəsli Türk Dünyasının zəngin adət-ənənələri, maddi-mədəni irsi və ədəbiyyat nümunələri ilə tanış etməkdir. 

Layihənin bədii hissəsi F.Köçərli adına Respublika Uşaq Kitabxanasının təşkilatçılığı  və Bakı şəhər 3 nömrəli Uşaq Gənclər İnkişaf Mərkəzinin şagirdlərinin iştirakı ilə baş tutdu.

Belə ki, bədii hissədə kitaba düşən nağıllardan kompozisiyalar  ifa olundu və türkdilli ölkələrin milli rəqsləri nümayiş edildi.

Sonda tədbir iştirakçılarına Beynəlxalq Türk Mədəniyyəti  və İrsi Fondu tərəfindən sertifikatlar  təqdim edildi.