F.Köçərli adına Respublika Uşaq Kitabxanasının 1 saylı filialının əməkdaşları avqustun ayının əvvəlindən başlayaraq H.Cavid adına İstirahət parkında, kitabxananın yerləşdiyi yaşayış binasının qarşısında Yay oxu zalı ilə təşkil etməklə oxucularına xidmət edir. Həmçinin, onlar yay mövsümündə səyyar xidmətlə balacaları da yaddan çıxarmırlar. Bu məqsədlə kitabxana əməkdaşları 4 sentyabr 2018-ci il tarixdə Olimp-H və  201 saylı uşaq baxçasında  oldu. Körpələrə müxtəlif mövzularda gözəl tərtibatlı rəngarəng kitablar təqdim olundu. Uşaqlara “Şəngülüm, Şüngülüm, Məngülüm”, “Qırmızı papaq”, “Tıq-tıq xanım” və s. nağıl kitabları oxundu, digər kitablar sərgiləndi. Balacalar sərgidəki kitablarla yaxından tanış oldular. Maraqlı, əlvan şəkilli kitablar, jurnallar onların sevincinə səbəb oldu. Tədbiri keçirməkdə məqsəd məktəbə qədəm qoyacaq uşaqlarda kitaba maraq oyatmaq, onları elmə, biliyə həvəsləndirməkdir.