6 Aprel 2018-ci il tarixində, Laçın rayon Çıraqlı kənd tam orta məktəbin müxtəlif sinif şagirdləri F.Köçərli adına Respublika Uşaq Kitabxanasına ekskursiya etdilər. Kitabxananın əməkdaşı uşaqları kitabxana ilə tanış etdi, kitabxanada təşkil olunmuş kitab sərgiləri, elektron kitabxana ilə bağlı məlumat verdi. Uşaqlar kitabxananın bütün şöbələrində oldular, kitabların kitabxana qaydası ilə işlənməsi, oxuculara verilməsi işi ilə yaxından tanış oldular. Sonra Nağıl otağında Azərbaycan nağıllarını dinlədilər, müasir nağıllarımızı müzakirə etdilər. Məktəblilər kitabxananın oxu zalında kitablarla bağlı maraqlı video material izlədikdən sonra kitab və onun əhəmiyyətini vurğulayan aforizmlər söylədilər. Daha sonra məktəbin müəllim və şagird kollektivi kitabxanada təşkil olunan sərgilərlə ilə tanış oldular, oxucuların rəy və təkliflər kitabına öz fikirlərini qeyd etdilər. Kitabxana ekskursiyaya gələn hər bir uşağın sevinc və marağına səbəb oldu.