10 aprel 2018-ci ildə F.Köçərli adına Respublika Uşaq Kitabxanası yeniyetmə və gənclər ilə Azərbaycan Yazıçılar Birliyinin üzvü, “Qızıl qələm” mükafatı laureatı, dedektiv romanlar ustası kimi tanınan Elxan Elatlı ilə görüş keçirdi. Tədbirdə Bakı Dövlət Universitetin tələbələri, yuxarı sinif şagirdləri iştirak edirdi. Tədbiri giriş sözü ilə kitabxananın direktoru Şəhla Qəmbərova açaraq yazıçı haqqında qısa məlumat verdi və bildirdi ki, F.Köçərli adına Respublika Uşaq kitabxanası 2011-ci ildə Elxan Elatlını “ İlin ən çox oxunan yazıçısı” elan etmişdir. Elxan Elatlı bizim oxucumuz kimi hər zaman kitabxanada, kitabsevərlərin arasındadır. Tədbirdə oxucular yazıçı haqqında hazırlanmış çarxlı video slaydı izlədilər, sonra isə kitabları əsasında hazırladıqları sualları yazıçıya təqdim etdilər. Oxucuların sual-cavabı əsasında diskussiya oldu. Tədbir yeniyetmələrdə vətənpərvərlik hissi aşılamaqla yüksək səviyyədə keçdi və xatirə şəkillərinin çəkilişi ilə başa çatdı.