İyunun 10-da, F.Köçərli adına Respublika Uşaq Kitabxanasında “Mədəni irsimizi yaşadaq: Əsrlərin yadigarı- Dədə Qorqud” boyları üzrə keçirilən rəsm müsabiqəsinin mükafatlandırma mərasimi keçirildi. Tədbirdə, uşaq yazıçısı Bayram İsgəndərli, Zaqatala rayon MKS-nin direktoru Gülniyar Məmmədova, valideynlər, oxucular və.s qonaqlar iştirak edirdi. Tədbiri giriş sözü ilə kitabxananın direktoru, əməkdar mədəniyyət işçisi Şəhla Qəmbərova açaraq, müsabiqənin keçirilməsində əsas məqsədin mədəni irsimizi yaşadaraq uşaqları “Kitabi Dədə Qorqud” dastanında olan boylarla yaxından tanış etmək olduğunu vurğuladı. Sonra, "Kitabi Dədə Qorqud" haqqında tarixi məlumatları əks etdirən video-material təqdim edildi. Rəsm müsabiqəsində: 1-ci yerə Qaradağ rayonu, Qobustan qəsəbəsi, Y.Əliyev adına 195 saylı məktəbin VIII sinif şagirdi Məmmədova Gülsəfa 2-ci yerə Zaqatala rayonu, Yolayrıc kənd orta məktəbinin VIII sinif şagirdi İsmayılova Narima 3-cü yerə Biləcəri qəsəbəsi F.Əmirov adına incəsənət məktəbinin şagirdi Əzizli Fəridə layiq görüldülər. Qaliblər diplom və hədiyyələrlə mükafatlandırıldı.