7 mart 2016-cı il tarixində F.Köçərli adına Respublika Uşaq Kitabxanasının xidmət şöbəsi Binəqədi rayonundakı Əsəd Ələsgərov adına 244 saylı məktəbdə 8 mart Qadınlar bayramı münasibətilə bədii kompozisiya təşkil etdi. Məktəbin ibtidai sinif müəlliməsi Günəş xanım bütün qonaqları salamlayandan sonra təbrik üçün sözü kitabxananın əməkdaşına verdi. O, çıxışında qeyd etdi ki, Qadın, ana… sabaha, gələcəyə açılan pəncərədir. İnsan cəmiyyətinin əsasını o qoyur. Qadın dünyanı sevmək, yaşatmaq üçün yaranmışdır. Ulu tanrı ən gözəl adı -Ana adını qadına vermişdir. Bununla da o bəşər övladını ona hörmət etməyə, onu şərəfləndirməyə çağırmışdır. Doğrudan da ana olmasa nə baş verər? Axı dünya onunla gözəldir. Bizi dünyaya gətirən, bizi bir–birimizə sevdirən anadır, qadındır. O, sülh səadət rəmzidir. Ana müqəddəsdir, müqəddəslik zirvəsidir. Bu zirvədə sevgi çiçəkləri-analar dayanır.
Sonra 8 Mart - Beynəlxalq qadınlar günü münasibətilə 244 saylı məktəbin 2ç sinfinin şagirdlərinin hazırladıqları “Anasız olmasın heç bir uşaq” adlı səhərcik təqdim edildi. Tədbirin sonunda uşaqlar “Dünyada ən uca zirvədir ana” adlı kitab sərgisinə baxdılar. Bütün tədbir iştirakçılarına “Göy qurşağı” uşaq jurnalı hədiyyə edildi.

Tədbirin səkilləri
Bütün xəbərlər