17 yanvar 2025-ci il tarixində 2 nömrəli Uşaq Reabilitasiya Mərkəzində F.Köçərli adına Respublika Uşaq Kitabxanasının 2 saylı filial əməkdaşları və mərkəz nümayəndələrinin birgə əməkdaşlığı ilə 20 Yanvar faciəsini anmaq məqsədilə "Azadlığa aparan yol" adlı tədbir keçirilib. Kitabxana əməkdaşları tərəfindən faciəni əks ətdirən fotostend və kitab sərgisi təşkil olunub.

Vətən və xalq yolunda canından keçmiş şəhidlərin ruhu bir dəqiqəlik sükutla yad edildikdən sonra 20 Yanvar hadisələrindən bəhs edən videoçarx nümayiş olunub, kitabxana əməkdaşları həmin gecənin dəhşətləri haqqında tədbir iştirakçılarını məlumatlandırıb.

Tədbir zamanı qeyd olunub ki, "35 il bundan öncə soyuq bir qış günündə baş vermiş 20 Yanvar faciəsi xalqımızın tarixində qəhrəmanlıq səhifəsi kimi qalacaq. Həmin günü, həmin anı bugünkü və gələcək nəsillər həmişə iftixar və qürurla xatırlayacaqlar. Çünki Azərbaycan xalqının cəsur oğul və qızları o gecə qanları ilə qəhrəmanlıq salnaməsi yazdılar. Ruhunuz şad olsun, əziz şəhidlərimiz!"

Sonda Nəcəfli Nihatın ifasında şeir səsləndirilib, uşaqlar faciə qurbanlarina həsr olunmuş bədii kitablarla tanış olublar.