7 noyabr 2024-cü il tarixində F.Köçərli adına Respublika Uşaq Kitabxanasının 3 saylı filialı və Binəqədi rayonu H.Cəbrayılov adına 99 saylı tam orta məktəbin birgə təşkilatçılığı ilə “8 Noyabr – Zəfər Günü”nə həsr olunmuş “Yaşa Azərbaycan” adlı tədbir keçirilib. Tədbirdə kitabxana əməkdaşları, məktəb kollektivi, şagirdlər və digər qonaqlar iştirak ediblər. Tədbir Azərbaycan Respublikasının Dövlət Himninin səslənməsi və şəhidlərin ruhunun bir dəqiqəlik sükutla yad edilməsi ilə başlanıb.

Məktəbin direktoru çıxışı zamanı 44 günlük Vətən müharibəsi, qalib Azərbaycan ordusunun qələbəsi haqqında məlumat verdikdən sonra şagirdlərin ifasında vətənpərvər və qələbə ruhlu şeirlər, mahnılar səslənib. 

Sonda uşaqlar təşkil olunan kitab sərgisi ilə tanış olub.