Respublika Uşaq Kitabxanasına şagirdlərin ekskursiyası təşkil olunub
19-04-2024 15:29:00
15-19 aprel tarixlərində Respublika Uşaq Kitabxanasına Uniser, 54, 65, 101, 124, saylı tam orta məktəbin şagirdləri ekskursiya ediblər. Ekskursiya zamanı məktəblilər kitabxanada yeni uşaq ədəbiyyatı nümunələri ilə tanış olublar. Kitabxana əməkdaşları şagirdlərə Firidun bəy Köçərlinin "Balalara hədiyyə” kitabı haqqında məlumat verdikdən sonra, ədibin həyat və yaradıcılığını əks etdirən videoslayd təqdim edilib.
Daha sonra məktəblilər kitabxananın oxu zallarında uşaqlar üçün müxtəlif məzmunlu kitablarla tanış ollub, həmçinin nağıl otağında cizgi filmləri izləyiblər.
Ekskursiyanın keçirilməsində əsas məqsəd uşaq və yeniyetmələrdə kitabxanaya olan marağı artırmaq, mütaliəyə və kitab oxumağa ruhlandırmaqdır.
