23 dekabr 2024-cü il tarixində F.Köçərli adına Respublika Uşaq Kitabxanasında Naxçıvan Muxtar Respublikasının 100 illik yubileyinə həsr olunmuş növbəti tədbir keçirilib. Tədbirdə 1 nömrəli Uşaq-Gənclər İnkişaf Mərkəzinin müəllim kollektivi, şagirdləri və kitabxana əməkdaşları iştirak edib. Tədbir Ümummilli Lider Heydər Əliyevin və şəhidlərimizin xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi ilə başlayıb.

Tədbiri giriş sözü ilə açan Respublika Uşaq Kitabxanasının Elmi metodika şöbəsinin müdiri Ruhiyyə Məmmədli bildirib ki, bu il fevralın 9-da Naxçıvan Muxtar Respublikasının yaradılmasının 100 ili tamam olub. Sonra o, şagirlərə Naxçıvan Muxtar Respublikası ilə bağlı ətraflı məlumat verib. 

Tədbirdə şagirdlər tərəfindən Naxçıvan Muxtar Respublikasının 100 illiyi ilə bağlı hazırlanmış videoçarx təqdim edilib və şeirlər səsləndirilib.

Tədbirin keçirilməsində məqsəd Naxçıvanın zəngin tarixi, mədəni irsi və tarixi abidələri barədə uşaq və gəncləri maarifləndirməkdir.