30 avqust tarixində F.Köçərli adına Respublika Uşaq Kitabxanasında Ukrayncadan Azərbaycan dilinə tərcümə olunmuş “İqlim sənin əlindədir” kitabının təqdimat mərasimi keçirilib. Tədbirdə Ukraynanın Azərbaycandakı fövqəladə və səlahiyyətli səfiri Yuriy Husyev, Ukraynanın millət vəkili Serhiy Naqornyak, Mədəniyyət Nazirliyinin əməkdaşı Kəmalə Əliyarova, Hədəf Şirkətlər Qrupunun direktoru, dosent, Şəmil Sadiq, Azərbaycan Milli Kitabxanasının direktoru professor Kərim Tahirov, məktəblilər və ukraynalı uşaqlar  iştirak edib.

Katerina Terletska və Dmitro Kuzmenkovun müəllifi olduğu “İqlim sənin əlindədir” adlı kitab Hədəf Nəşrləri tərəfindən Ukrayna tərcümə İnstitunun dəstəyi çərçivəsində nəşr edilib. Kitabda iqlim dəyişikliklərini anlamaq üçün 17 təcrübə təqdim edilib və bu təcrübələrin keçirilməsi üçün təlimat, lazım olan vəsaitələrin hər biri qeyd olunub. 

Tədbiri giriş sözü ilə açan kitabxananın direktoru Əməkdar mədəniyyət işçisi  Şəhla Qəmbərova çıxışında qeyd edib ki, kitab, prezident cənab İlham Əliyevin sərəncamı əsasında ölkədə elan edilən “Yaşıl dünya naminə həmrəylik ili” çərçivəsində uşaq və yeniyetmələrə lazımi töhfəsini verəcək.

Ukraynanın Azərbaycandakı fövqəladə və səlahiyyətli səfiri Yuriy Husyev tədbirdə Azərbaycan xalqına və kitabxana rəhbərliyinə Ukranya dilindən Azərbaycan dilinə tərcümə olunan kitabın və eyni zamanda Ukrayna kitab rəfinin təqdimatının keçirildiyi üçün öz təşəkkürünü bildirib. O, qeyd edib ki, biz bundan sonra da Ukrayna-Azərbaycan arasındakı dostluğu artırmaq üçün çalışacağıq.

Ukraynanın millət vəkili Serhiy Naqornyak çıxışında Bakıya səfər etdiyinə görə çox məmmnun olduğunu dilə gətirib. Kitab Ukraynalı gənc alimlər və müəlliflər tərəfidən yazılıb və uşaqlar üçün eksperimentlər, ekologiyanı qorumaqla bağlı bilikləri özündə əks etdirir. Biz inanırıq ki, bu kitab qarşıdan gələn COP-29 tədbiri üçün yaxşı bir töhfədir. 

Hədəf Şirkətlər Qrupunun qurucu direktoru, dosent, Şəmil Sadiq tədbirdə təqdim olunan kitab haqqında ətraflı məlumat verərək yüksək peşəkarlıqla görülmüş işə görə müəlliflərə, tərcüməçilərə və naşirlərə təşəkkürünü bildirib. O, həmçinin, yay tətilində həm əylənib, həm də nəzəri təcrübələrə əsaslanan biliklərə yiyələnməyi istəyənlərə bu kitabı tövsiyyə etdiyini söyləyib.

Təqdimatda Hədəf liseyinin şagirdləri “İqlim sənin əlindədir” kitabından seçərək təqdim etdikləri təcrübələr çox maraqla qarşılanıb. 

Sonda Respubliuka Uşaq Kitabxanasında Ukrayna uşaq ədəbiyyatı əsasında hazırlanmış kitab sərgisinə baxış keçirilib və xatirə şəkilləri  şəkilib.