Azərbaycanın Xalq şairi, Azərbaycan Dövlət mükafatı laureatı, Əməkdar incəsənət xadimi, lətifələriylə el arasında məşhur olan Hüseyn Arif şeirləriylə qəlbləri fəth etmiş ədiblərimizdən birdir. Hüseyn Arif şifahi və yazılı ədəbiyyatımızın zəngin və tükənməz qaynaqlarından qidalanan, poetik xəyalı həmişə zirvələri dolaşan, hər bir varlıqda poeziya tapan təbiət aşiqi, son dərəcə zərif və kövrək ürəyə malik bir xalq şairidir.
Hüseyn Arif 1992-ci il sentyabrın 14-də Bakıda vəfat edib, doğulduğu kənddə dəfn olunub.
Hüseyn Arifin 100 illik yubileyi münasibətilə F.Köçərli adına Respublika Uşaq Kitabxanası şairin kitablarının, onun haqqında yazılan kitabların və dövri mətbuatda keçən əsrdən günümüzə qədər çap olunan əsərlərin, həmçinin, haqqında dərc olunan məqalələrin tammətnli siyahısını hazırlayaraq oxuculara təqdim edir. Təqdim olunan daycestdə Hüseyn Arifin 3 adda kitabı, həyat və yaradıcılığı haqqında məlumat, şair haqqında görkəmli şəxslərin fikirləri və şeirləri, dövri mətbuatda onun haqqında yazılan 33 məqalə yer alıb.
Aşağıda qeyd olunan link vasitəsi ilə daycestlə tanış ola bilərsiniz.
