13 may 2024-cü il tarixində F. Köçərli adına Respublika Uşaq Kitabxanasında yazıçı Zahirə Cabirin Ümumilli lider Heydər Əliyevin 101 illiyinə həsr olunmuş “Böyük Azərbaycanlı” adlı kitabının təqdimat mərasimi keçirilib. Tədbirdə 7 nömrəli tam orta məktəbin 5-ci sinif şagirdləri iştirak edib. 

Öncə keçirilən təqdimatda Azərbaycan Respublikasının Dövlət Himni səsləndirilib və Ümummilli lider Heydər Əliyev və Azərbaycanın suverenliyi uğrunda canlarını fəda etmiş igid oğulların əziz xatirəsi bir dəqiqəlik sükutla yad edilib. Sonra şagirdlərə “Ana laylası” adlı slayd nümayiş etdirilib.

Kitabdakı hekayələr real tarixi hadisələr əsasında işıqlandırılmaqla ömrünü sevdiyi xalqına, onun müstəqilliyinə, dövlətçiliyinə həsr edən dahi şəxsiyyət – Heydər Əliyevə həsr olunub. “Böyük Azərbaycanlı” adlı kitabın ərsəyə gəlməsində əsas məqsəd Ulu öndərin uşaqlığını bir nümunə olaraq kiçik yaşlı oxuculara təqdim etməklə, onun yüksək mənəvi keyfiyyətlərini göstərməkdir. Bu uşaqların ölkənin layiqli vətəndaşları kimi yetişməsinə zəmin yaradacaq.   

Ümummilli lider Heydər Əliyevin ömür yolu və irsi əsasında şagirdlərin dünyagörüşü zənginləşir, vətənpərvərlik hissləri artır.