2-8 oktyabr 2024-cü il tarixində Bakı Ekspo Mərkəzində 10-cu Beynəlxalq Kitab Sərgisi zamanı F.Köçərli adına Respublika Uşaq Kitabxanasının stendində kiçik yaşlı qonaqlar üçün uşaq nağılları əsasında “Yaşıl dünya naminə həmrəyli ili”nə həsr olunan “Masterclasslar” təşkil olunub. X Yubiley Bakı Beynəlxalq Kitab Sərgisi çərçivəsində təşkil olunan masterclasslarda uşaqlara ilk olaraq kitabxananın əməkdaşları tərəfindən nağıllar daha sonra isə nağıl  personajlarının düzəldilməsi üçün anlayışlar səsləndirilib.

Masterclassın keçirilməsində əsas məqsəd, uşaqların intellektual inkişafında kitabın rolunu yüksəltmək, kitaba sevgi aşılamaq, mütaliəyə həvəsləndirməklə milli dəyərlərimizə bağlamaq və bu dəyərlərimizi yaşatmaq və kiçik yaşlı oxucularımızın informasiya tələbatının ödənilməsi üçün onları ölkəmizdə son ildə nəşr olunan uşaq ədəbiyyatı ilə tanış etməkdir. Ustad dərsləri gənc nəslin incəsənət sahəsində yüksək səviyyəli biliklərə yiyələnməsini və yerli istedadların inkişafını təşviq edəcək.