Respublika Uşaq Kitabxanasının məlumat-biblioqrafiya şöbəsi tərəfindən XX əsr Azərbaycan klassiklərindən biri, şair, tərcüməçi, həkim və publisist Abbas Səhhətin anadan olmasının 150 illik yubileyi münasibətilə şair haqqında kitab və dövri mətbuat materiallarının tammətnli biblioqrafik siyahısını ehtiva edən daycest hazırlanıb. Həmçinin təqdim olunan daycestdə Abbas Səhhətin 26 adda kitabı, haqqında Salman Mümtaz, Abdulla Şaiq kimi görkəmli şəxslərin fikirləri və dövri mətbuatda onun haqqında yazılan 21 adda material yer alıb.
Köhnə dünyanın zülm və haqsızlıqlarına, ictimai bərabərsizliyə qarşı etiraz, azadlıq və mədəni intibah ideallarının tərənnümü, işıqlı gələcəyə çağırış A.Səhhətin həyat və yaradıcılığının ümumi mənasını təşkil edir.
A.Səhhətin Azərbaycan maarifi və uşaq ədəbiyyatının inkişafındakı xidmətləri böyükdür. Gənc yaşlarından ömrünün sonlarına qədər müəllimlik edən şair, uşaq və gənclər üçün müxtəlif janrlarda əsərlər yazıb və milli uşaq ədəbiyyatının ən gözəl nümunələrini yaradıb.
Tərcüməçilik fəaliyyəti ilə də məşğul olan yazıçı o dövr Azərbaycan oxucusunu rus (Lermontov, Puşkin, Maksim Qorki və b.), fransız (Hüqo, Müsse və b.), alman şair və yazıçılarının əsərləri ilə tanış edib.
Abbas Səhhət 1918-ci il iyulun 11-də Gəncədə vəfat edib.
Aşağıda qeyd olunan linklər vasitəsi ilə daycest və “Abbas Səhhət Mehdizadə” adlı elektron məlumat bazası ilə tanış ola bilərsiniz.
https://clb.az/arxiv2021/elektron/SEHHET/index.html
