7 noyabr 2024-cü il tarixində tarixində F. Köçərli adına Respublika Uşaq Kitabxanasının 2 saylı filialı M. Yusifov adına 265 saylı məktəbdə ibtidai sinif şagirdləri ilə birgə Zəfər bayramı münasibətilə “8 Noyabr - Zəfər Bayramı” adlı tədbir keçirdi. Tədbirdə məktəb rəhbərliyi F. Köçərli adına kitabxana əməkdaşları, şagirdlər və qonaqlar iştirak ediblər. Tədbir Azərbaycan Respublikasının Dövlət Himninin səsləndirilməsi ilə başlanıb və Vətənin azadlığı uğrunda canlarından keçən igid oğulların əziz xatirəsi bir dəqiqəlik sükutla yad edilib. 

Məktəbin direktoru qonaqları salamlayaraq hər kəsi Zəfər bayramı münasibətilə təbrik edib və müzəffər Azərbaycan ordusunun qələbəsindən danışıb. Tədbirdə məktəb şagirdlərinin ifasında vətənpərvərlik və qələbə ruhlu şeirlər, mahnılar səslənib.