14 fevral tarixində F.Köçərli adına Respublika Uşaq Kitabxanasının əməkdaşları və uşaq yazarı Sevinc Nururqızı “Kitab Bağışlama Günü” ilə əlaqədar 207№-li məktəbdə keçirilən tədbirdə iştirak ediblər.
F.Köçərli adına Respublika Uşaq Kitabxanası sözügedən məktəbin kitabxanasına kitablar bağışlayıb. Tədbirdə Sevinc Nuruqızı öncəliklə məktəbliləri “Beynəlxalq Kitab Bağışlama Günü” münasibəti ilə təbrik edib, daha sonra məktəblilərlə birlikdə dərsliklərə salınmış hekayələrini müzakirə edib. “Dünyada nə var Vətəndən uca” adlı şeirini tədbir iştirakçılarının qarşısında səsləndirib. Həmçinin Sevinc Nuruqızı məktəblilərlə birlikdə öz əsərləri ətrafında sual-cavab edib. Sonda məktəblilər tərəfindən çəkilmiş rəsmlər F.Köçərli adına Respublika Uşaq Kitabxanasına və yazıçı Sevinc Nuruqızına hədiyyə edilib, və birlikdə xatirə şəklilləri çəkilib.
