F.Köçərli adına Respublika Uşaq Kitabxanası “12 - İyun Ümumdünya Uşaq Əməyinə Qarşı Mübarizə Günü” ilə əlaqədar uşaqların hüquqlarının cəmiyyət tərəfindən daha yaxşı mənimsənilməsi və maarifləndirici tədbirlər görülməsi məqsədilə uşaq hüquqları haqqında kitab və dövri mətbuat materiallarının biblioqrafik siyahısını tərtib edərək oxucuların istifadəsinə təqdim edir. 

İyunun 12-si Ümumdünya Uşaq Əməyinə Qarşı Mübarizə Günüdür. Bu gün Beynəlxalq Əmək Təşkilatı (BƏT) tərəfindən təsis olunub. Uşaq əməyinin istismarı uşaqların təhsildən yayınması, onların fiziki və mənəvi inkişafına mənfi təsir edir. Bu sahədə məlumatlılığın artırılması, ictimaiyyətin diqqətinin bu məsələyə yönləndirilməsi, həmçinin aidiyyəti orqanların bu işdə birgə fəaliyyəti vacib amillərdəndir. İlk dəfə 2002-ci ildən qeyd edilən bu günün məqsədi uşaq əməyinin ləğvinə nail olmaqdır.