11-15 noyabr tarixlərində Azərbaycan Respublikası  Mədəniyyət Nazirliyinin təşkilatçılığı ilə Bakı Ekspo Mərkəzində keçirilən IX Bakı Beynəlxalq Kitab Sərgisində F.Köçərli adına Respublika Uşaq Kitabxanası xüsusi stendi və kitab təqdimatları ilə iştirak edir. 

11 noyabr tarixində,  F.Köçərli adına Respublika Uşaq Kitabxanası və “Everest” Nəşriyyat evinin birgə təşkilatçılığı ilə sərginin Şuşa təqdimat zonasında Zahirə  Cabirin Ulu öndər Heydər Əiyevin  100 illik yubileyinə həsr olunmuş “Böyük Azərbaycanlı” kitabının təqdimatı və imza saatı keçirilib.

Təqdimat C. Hacıyev adına 3 nömrəli onbirillik musiqi məktəbinin vokal sinifinin şagirdi Beynəlxalq müsabiqələr laureatı Atilla Qərib və “Renesans” uşaq xorunun ifasında Ulu öndərə həsr olunmuş “Əbədi zirvə” mahnısı ilə başlanıb. 

Təqdimatda Yazıçı çıxışında qeyd etdi ki, kitabı yazmaqda məqsədi ulu öndərin uşaqlığını bir nümunə olaraq kiçik yaşlı oxuculara  təqdim etməklə, onun milli-mənəvi dəyərlərimizin qoruyucusu kimi yüksək mənəvi keyfiyyətlərini göstərməkdir. 

Kitabın redaktoru və naşiri kitabla bağlı öz fikirlərini bildirdilər. Həmçinin, qeyd etdilər ki, dahi şəxsiyyət, böyük Azərbaycanlı Heydər Əliyev haqqında yazılan hekayələr real tarixi hadisələrə əsaslanmaqla onun şanlı həyat yolunu oxuculara daha yaxından tanıdacaq.

Yazıçının kitabda 13 hekayəsi yer alıb. Kitabın  naşiri Nemət Əliyev,  redaktoru Aida Cahangirova,  rəssamı Mərziyə Hüseynovadır.

BDU-nun “İnformasiya və Sənəd Menecmenti” fakültəsinin Nəşriyyat işi və redaktəetmə kafedrasının müdiri dosent Knyaz Aslan çıxışında  kitabın əhəmiyyətindən danışaraq, bildirdi ki,  kitabın tərtibatına, rəssam işinə, yazılan hekayələrə nəzər yetirərkən kitabın yüksək peşəkarlıqla hazırlandığını görürsən. Kitabda toplanmış hekayələr “Ana laylası” ilə, yəni ulu öndərin dünyaya gəlişi ilə başlayıb, “Heydər zirvəsi” hekayəsi ilə bitir. Düşünürəm ki, bu hekayələr gələk nəsillərə ümummilli liderin şəxsiyyəti və ömür yolu nümunəsi əsasında uğurlar əldə etməyə imkan verəcəkdir.

Tədbir C. Hacıyev adına 3 nömrəli onbirillik musiqi məktəbinin vokal sinifinin şagirdi Beynəlxalq müsabiqələr laureatı, prezident təqaüdçüsü Atilla Məmmədlinin ifasında “Sən elə bir zirvəsən” mahnısının ifası ilə yekunlaşıb. Tədbirdən sonra Respublika Uşaq Kitabxanasının stendində yazıçının  imza saatı baş tutub.