18 fevral tarixində F.Köçərli adına Respublika Uşaq Kitabxanasında Sabunçu rayon 215 №li tam orta məktəbin 5-ci sinif şagirdləri ilə birgə 21 fevral -Beynəlxalq Ana Dili Gününə həsr olunmuş tədbir keçirildi .Tədbirdən öncə məktəblilərə kitabxana  haqqında məlumat verildi.Tədbir oxu zalında  Azərbaycan Respublikasının Dövlət Himni ilə başlandı. 

Şagirdlər Ulu öndər Heydər Əliyevin, F.Köçərlinin, M.İbrahimovun  və digər mütəfəkkirlərin ana dili haqqında dəyərli fikirlərini səsləndirdilər. Məktəblilər Ü.Atəşin, B.Vahabzadənin,T.Bayramın, N.Xəzrinin, S.Rüstəmin şeirlərini,  həmçinin, ”Ana dili”, ”Şirin dil” mahnılarını  ifa etdilər. N.Gəncəvinin “Kərpickəsən kişinin dastanı” əsəri üzərində hazırlanmış bədii kompozisiyasını təqdim etdilər.

Sonda uşaqlar Azərbaycan dilinin tarixi ilə bağlı sənədli film izlədilər.