F.Köçərli adına Respublika Uşaq kitabxanası 1 nömrəli Uşaq-Gənclər İnkişaf Mərkəzinin birgə layihəsi əsasında oxucular və dərnək üzvləri arasında esse müsabiqəsinə start verib.

Müsabiqənin keçirilməsində əsas məqsəd  müstəqil yaradıcı gənc nəsildə  Ana dilimizin zənginliyini, saflığını qorumağı təbliğ etmək, istedadlarını üzə çıxarmaq, tədqiqatçılıq qabiliyyətlərini inkişaf etdirmək, onlarda milli-mənəvi dəyərləri formalaşdırmaqdan ibarətdir.

2.Müsabiqənin şərtləri:

-Müsabiqə iki nominasiya üzrə keçirilir.

-Müsabiqədə iştirak edən uşaqların yazdıqları esse yazısı 5 bal sistemi üzrə  qiymətləndiriləcək.

 Esse yazmaq:

 Yazıda fikirlər aydın və savadlı ifadə edilməli;

 3 bənddən ibarət (giriş, əsas hissə və nəticəni əhatə etməli) plan tərtib olunmalı;

 Plan əsasında mövzu dolğun yazılmalı;

 Hissələr arasında məntiqi rabitə olmalıdır. Təhlil etmə, tədbiq etmə, ümumiləşdirmə və məntiqi nəticə çıxartma qabiliyyətini nümayiş etdirməli;

 Ədəbi dilin normalarına, o cümlədən orfoqrafik, qrammatik, durğu işarələrindən düzgün istifadə edilməli;

 Sitatlardan və tarixi faktlardan istifadə olunmalı;

 Mətnin həcmi 2 səhifədən çox olmamalı;

 Esse təqdim edilərkən oxucu özü haqqında məlumatı (ad, soyad, ata adı, oxuduğu təhsil müəssisəsi, bölmə, sinif, telefon nömrəsi, e-mail və s.) təqdim etməli;

 Müsabiqənin müddəti esselərin son qəbul tarixi 15 noyabr 2020-ci il.

3.Müsabiqənin təşkili və keçirilmə qaydaları:

Müsabiqə iki mərhələ üzrə 1 nömrəli Uşaq-Gənclər İnkişaf Mərkəzinin dərnək üzvləri və  Firidun bəy Köçərli adına Respublika Uşaq  Kitabxanasının  14-17 yaş oxucuları arasında  keçirilir:   

I mərhələ –  esselərin son qəbul tarixi 15 noyabr 2020-ci il. 

II mərhələ –  mükafatlandırma tarixi 17 noyabr 2020-ci il.

4.Mükafatlandırılma:

  Müsabiqəyə təqdim olunan essenin qiymətləndirilməsi mütəxəssislərdən  ibarət münsiflər heyəti tərəfindən həyata keçiriləcək;

  Müsabiqənin qalib və iştirakçılarına həvəsləndirici diplom və kitablar hədiyyə olunacaq.

• Esselər elektron poçt ünvanına göndərilməlidir:

 info@clb.az

 ushaqkitabxanasi@gmail.com

 childlibbaku@yahoo.com

 aliyevayegana76@mail.ru