Mayın 16-da Firidun bəy Köçərli adına Respublika Uşaq Kitabxanasında Mikayıl Müşfiq adına 18 nömrəli tam orta məktəbin 2-ci sinif şagirdləri ilə uşaq yazıçısı Reyhan Yusifqızının imzalı görüş keçirildi.

Tədbirdə, pedaqoqlar, valideynlər, oxucular və.s qonaqlar iştirak edirdi.

Tədbir, yazıçının həyat və yaradıcılığını əks etdirən video-slaydın nümayişi ilə başladı.

Oxucu-şagirdlər yazıçının “Zamanın əsirləri” və “Yaşıl gözlü qız” əsərindən təsirlənərək yazdıqları hekayələri iştirakçılara təqdim etdilər.

Sonra, yazıçının hər iki fantastik hekayəsi müzakirəyə çıxarıldı və məktəblilər arasında maraqlı disskusiya keçirildi.

Məktəbin 2-ci sinif şagirdi İnci Quliyeva yazıçının “Zamanın əsirləri” hekayəsi əsasında çəkmiş olduğu meşənin təsvirini əks etdirən rəsm əsərini yazıçıya təqdim etdi.

Tədbirdə çıxış edən yazıçı R.Yusifqızı oxucuları mükəmməl hazırlaşdıqları üçün təbrik edib, onlara öz minnətdarlığını bildirdi.

Sonda, iştirakçı uşaqlara yazıçının imzası ilə kitablar və kitabxananın təsis etdiyi “ Göy Qurşağı” uşaq jurnalı hədiyyə edildi.