11 noyabr 2018-ci il tarixində Firidun bəy Köçərli adına Respublika Uşaq Kitabxanasında Mədəniyyətşünaslıq üzrə Elmi-Metodiki Mərkəzin əməkdaşları (psixoloqlar) Aynurə Xudanlı və Sevinc Cəfərova tərəfindən 3-5 və 6-10 yaş arası uşaqlar üçün psixologiya saatı keçirdilər. Məşğələ zamanı müxtəlif interaktiv psixoloji oyunlar keçirilmiş, uşaqlarda depressiya, stress, fobiya, özünəinamsızlıq, tənhalıq, kompleks, özünəqapanma və s. kimi psixoloji narahatlıqların aradan qaldırılmasına yönəlmiş psixokorreksiyaedici və inkişafetdirici işlər aparılmışdır. 6–10 yaşlı uşaqlarla keçirilən məşğələ proqramında isə diqqətin davamlılığını, ünsiyyət və davranış problemlərini öyrənmək istiqamətində müxtəlif intellektual və interaktiv oyunlar aparılmışdır. Məşğələlər psixoloji oyunlar, mahnılar, səhnəciklər və s. əsasında keçirilir. Nəzərinizə çatdıraqki, kitabxanada hər həftənin 3-cü günü saat 15:00-da 3-5 yaş, bazar günləri isə saat 12:00-da 3-5 yaş, 13:30-da isə 6-10 yaş arası uşaqlar üçün psixologiya saatı keçirilir.