8 may 2026-cı il tarixində F. Köçərli adına Respublika Uşaq Kitabxanasında Ümummilli Lider Heydər Əliyevin anadan olmasının 103-cü ildönümü münasibətilə tədbir təşkil olunub. Tədbirdə 164 nömrəli tam orta məktəbin şagirdləri iştirak ediblər. Tədbir Ümummilli Lider Heydər Əliyevin xatirəsinin bir dəqiqəlik sükutla yad edilməsi ilə başlanıb, daha sonra Azərbaycan Respublikasının Dövlət Himni səsləndirilib. 

Tədbirdə çıxış edənlər Ulu Öndərin Azərbaycanda uşaq və gənclərə göstərdiyi diqqət və qayğıdan bəhs edib, onun gənc nəslin vətənpərvər ruhda formalaşmasına verdiyi töhfələri qeyd edilib. Daha sonra şagirdlərə “Böyük Azərbaycanlı” adlı kitab haqqında məlumat təqdim olunub və əsər əsasında hazırlanmış videoçarx nümayiş etdirilib. Qeyd  edilib ki, əsər Ulu Öndərin həyat yolunu, yüksək mənəvi keyfiyyətlərini və xalqına olan bağlılığını kiçikyaşlı oxuculara çatdırmaq məqsədi daşıyır. 

Tədbirin sonunda uşaqları maraqlandıran suallar cavablandırılıb və sərgidə nümayiş olunan Ulu Öndər Heydər Əliyevə aid kitablar və digər materiallarlatanış olublar. Bu kimi tədbirlərin uşaqlarda vətənpərvərlik ruhunun güclənməsində, milli dəyərlərə bağlılığın artmasında mühüm rol oynadığı vurğulanıb. Şagirdlər Ulu Öndərin xatirəsini ehtiramla yad edib, onun zəngin irsi ilə bağlı maraqlı faktlarla tanış olublar.