30 aprel - 3 may  tarixlərində  Məmmədli kənd tam orta məktəb 3-cü sinif və “Uniser” orta ümumtəhsil məktəb 2-ci sinif  şagirdlərinin F.Köçərli adına Respublika Uşaq Kitabxanasına ekskursiyaları təşkil  olunub. Ekskursiya zamanı məktəblilər kitabxanada yeni uşaq ədəbiyyatı nümunələri ilə tanış olublar. Kitabxana əməkdaşları şagirdlərə Firidun bəy Köçərlinin "Balalara hədiyyə” kitabı haqqında məlumat verdikdən sonra, ədibin həyat və yaradıcılığını əks etdirən videoslayd təqdim edilib.

Daha sonra məktəblilər kitabxananın kiçik oxu zalında uşaqlar üçün müxtəlif məzmunlu kitablarla tanış olub, həmçinin şagirdlərə sinifdən xaric oxu üçün müxtəlif məzmunlu yeni uşaq ədəbiyyatları haqqında ətraflı məlumat verilib.Ekskursiyanın keçirilməsində əsas məqsəd  uşaq və yeniyetmələrdə   kitabxanaya olan marağı artırmaq, mütaliəyə və kitab oxumağa ruhlandırmaqdır.