1 noyabr 2024-cü il tarixində F.Köçərli adına Respublika Uşaq Kitabxanasına 23 nömrəli tam orta məktəb və 261 nömrəli məktəb-liseyin 4-cü sinif şagirdlərinin ekskursiyası təşkil olunub. Öncə  kitabxana  əməkdaşı məktəbliləri  kitabxana ilə yaxından tanış edib, “kitab oxumaq nə üçün lazımdır?”,  mütaliə mədəniyyəti və vərdişləri  haqqında ətraflı məlumat verib. Kitabxananın kiçik oxu zalında Firidun bəy Köçərlinin Azərbaycanda uşaq folklorunun ilk antologiyası olan "Balalara hədiyyə” kitabından bəhs edilib.  Kitabxanada “Yaşıl  Dünya Naminə Həmrəylik ili” çərçivəsində  keçirilən ekskursiyyada məktəblilər ilə birgə masterclass təşkil edilib.

Ekskursiyaların təşkil olunmasında əsas məqsəd uşaqları  Respublika Uşaq Kitabxanasının zəngin kitab fondu ilə yaxından tanış etmək, onlarda  mütaliə mədəniyyətini  və  kitaba  olan marağı artırmaqdır.