2-8 oktyabr 2024-cü il tarixlərində Bakı Ekspo Mərkəzində 10-cu Beynəlxalq Kitab Sərgisində F.Köçərli adına Respublika Uşaq Kitabxanasının stendində kiçik yaşlı oxucular üçün “Oxu saatı” təşkil olunub. Oxu saatlarının keçirilməsində əsas məqsəd bədii qiraət vasitəsi ilə uşaqların dünyagörüşünü genişləndirməklə yanaşı kiçikyaşlı oxucuları kitaba və mütaliəyə həvəsləndirməkdir.

Təşkil olunan “Oxu saatı”nda uşaqlarla yazıçı Mehriban Nağıyeva, Gülzar İbrahimova, Solmaz Amanova, Zahirə Cabirin görüşləri baş tutub. Yazarlar uşaqlara “Dostlaşmış nağıllar”, “Təbiətdən məktub”, “Əvvəl zaman içində”, “İncinin nağıl dünyası”, “Dastana dönən Xudayar”, digər müəllifi olduqları kitablarından hekayələr oxuyub və uşaqları maraqlandıran suallara cavab veriblər.

Hər bir uşaq yazarı ilə keçən görüşün sonunda kiçik yaşlı oxuculara kitab və jurnallar hədiyyə edilib.