31 oktyabr tarixində 159 nömrəli məktəbin 5-ci sinif şagirdləri F.Köçərli adına Respublika Uşaq Kitabxanasına ekskursiya edib. Kitabxana  əməkdaşı məktəbliləri  kitabxana ilə yaxından tanış edib, həmçinin  yeni kitabxana texnologiyalarının tətbiqi , oxucuların dünyagörüşünün, mədəni səviyyəsinin yüksəlməsində kitabların müstəsna rolundan bəhs edib. Məktəblilər kiçik oxu zalında Larusun inanılmaz ensiklopediyası olan Dinozavrlar kitabı ilə tanış olub.  Kitabda dinozavrlar, onların növləri, təsnifatı, qıdalanması, yaşayış yerləri haqqında zəngin məlumatlar qeyd olunmuşdur. Digər müxtəlif dövrlərdə yaşayan dinozavrları əks etdirən maraqlı şəkillər də əks olunmuşdur.