21-23 noyabr tarixlərində 47 nömrəli məktəbin 2-ci sinif, 164 nömrəli məktəbin 3 -ci sinif 328 nömrəli məktəbin 7-ci sinif şagirdlərinin  F.Köçərli adına Respublika Uşaq Kitabxanasına ekskursiyası təşkil edilib. 

Öncə  Kitabxana  əməkdaşı məktəbliləri  kitabxana ilə yaxından tanış edib, “kitab oxumaq nə üçün lazımdır?”,  mütaliə mədəniyyəti və vərdişləri  haqqında ətraflı məlumat verib.Kitabxananın kiçik oxu zalında   Firidun bəy Köçərlinin Azərbaycanda uşaq folklorunun ilk antologiyası olan "Balalara hədiyyə” kitabdan bəhs edilib.  

Sonda şagirdlər “Balaca ev” adlı çizgi  və “Dərs“ adlı bədii filmi izlədilər. Ekskursiyaların təşkil olunmasında əsas məqsəd uşaqları  Respublika Uşaq Kitabxanasının zəngin fondu ilə yaxından tanış etmək, onlarda  mütaliə mədəniyyətini və kitaba  olan marağı artırmaqdır.